Fraksiyona Sadiqûn li parlementoya Iraqê, ku ser bi Tevgera Esayib Ehlê Heq e, ragihand ku ew ligel çend fraksiyonên din kar dikin ji bo hemû hêzên biyanî ji Iraqê derbixin.



Di daxuyaniyeke de, Fraksiyona Sadiqûn ragihand, haydariyên Amerîka li dijî wan bêwate ne, û ew rijd in ji bo derxistina hemû hêzên biyanî ji Iraqê.



Fraksiyona Sadiqûn anî ziman ku haydariyên Amerîka baş zelal dike, ku ajendeya wê ji bo demeke dirêj li Iraqê bimîne, lê ev yek bi tenê xewn e û ew rê nadin ku hêzên biyanî li Iraqê bimînin.



Herwiha Fraksiyona Sadiqûn hewlên xwe dide ku bi rêya parlementoyê, yasayek were derxistin ku rê bide hêzên biyanî werin derxistin.

Rudaw