Şandeke Wezareta Pêşmerge bi serdaneke fermî li Almanya ye û beşdariyê di konferansekê derbarê nasandina erk û çalakiyên Pêşmerge de dike.

Serperiştiyarê Mihwerê Mexmûr – Guwêr yê Hêza Pêşmerge Sîrwan Barzanî li Almanyayê ji K24ê re ragihand, DAIŞ li ser destê Pêşmerge hat şikandin û ji ber wê her konferansek hebe girîngiyeke taybet dide Pêşmerge, ji ber ku navê wê wek qehreman hatiye naskirin.

Got jî: Ev konferans ji bo nasandina erk, kar û çalakiyên Pêşmerge li Almanyayê birêve diçe. Qehremaniya Pêşmerge hîştiye ku navê Kurd û Kurdistanê sed qatan zêdetir bê naskirin.

K24