Leşkerên Tikiyê sibeha îro Sêşembê 13ê Îlonê gulle berdane hejmarek kolberên Kurd û di encamê de kolberekî Rojhilatê Kurdistanê kuştin.

Serê sibeha îro, hêzên Tikriyê li sînorê Kerkuj ê ser bi Kela Xwê (Xoy) ve li parêzgeha Urmiyê ya Rojhilatê Kurdistanê teqe li 3 kolberan kirin.

Çavkanyekî taybet li bajarê Kela Xwê (Xoy) ê Rojhilatê Kurdistanê ji Rûdawê re got: “Ew 3 kolber li sînorê Kerkuj ê Xoyê dixwestin derbasî aliyê Bakurê Kurdistanê bibin, lê ji aliyê hêzên Tirkiyê ve rasterast teqe li wan hate kirin û kolberê bi navê Esxer Derwîşzade yê temen 31 salî hat kuştin.”

Li gor heman çavkaniyê, gule li serê Esxer Derwîşzade ketiye û di cih de canê xwe ji dest daye.

Du kolberên din reviyane û xwe gihandine gund û xelk ji bûyerê agehdar kirine.

Piştre gundî çûne cihê bûyerê û termê kolberê kuştî vegerandine.

Esxer Derwîşzade, xelkê gundê Kerkuj ê navçeya Elind a Kela Xwê (Xoy) 31 salî û bavê 3 zarokan bûye.

 

Rudaw