Li ser asta Bakurê Kurdistanê û Tirkiyê, di hejmara herî zêde ya welatiyan de parêzgeha Rihayê di rêza yekem û parêzgeha Amedê di rêza çarem de ye.

Li gor amarên Saziya Amarên Tirkiyê (TUIK), li ser asta Bakurê Kurdistanê û Tirkiyê bajarên herî qelebalix Stenbol, Enqere û Îzmîr in, lê eger hemû kes li bajarê xwe bijiya dê bajarê herî qelebalix bi 2 milyon û 972 hezar û 950 kesan dê Riha bajarê herî qelebalix bûya. Stenbola ku hejmara nişteciyên wê ji 15 milyonan zêdetire di rêza sêyem de cih girt, 2 milyon û 596 hezar û 830 kes bi esil Stenbolî ne.

TUIKê, encamên lêkolîna “Gelo eger hemû kes li bajarê xwe bijiya, dê bajarê herî qelebalix ê Tirkiyê kîjan bûya?” eşkere kir.

Li gor lêkolînê di nav rêza 10 bajarên herî qelebalix de ji Bakurê Kurdistanê parêzgehên Riha, Amed, Sêwaz û Erzeromê cih girtin.

Li gor lêkolînê eger hemû kes li bajarê xwe bijiya dê hejmara nişteciyên 10 bajarên destpêkê wiha bûna:

1 – Riha: 2 milyon û 972 hezar û 950 kes

2 – Konya: 2 milyon û 644 hezar û 753 kes

3 – Stenbol: 2 milyon û 596 hezar û 830 kes

4 – Amed: 2 milyon û 363 hezar û 540 kes

5 – Enqere: 2 milyon û 43 hezar û 873 kes

6 – Samsun:  Milyonek û 998 hezar û 603 kes

7 – Îzmîr: Milyonek û 970 hezar û 772 kes

8 – Sêwaz: Milyonek û 969 hezar û 864 kes

9 – Erzerom: Milyonek û 930 hezar û 767 kes

10- Hatay: Milyonek û 844 hezar û 659 kes

 

Rudaw