Li Kerkûkê çekdarên DAIŞê êrîşî şivanên Kurd kirin
Li nahiya Leylan ya parêzgeha Kerkûkê çekdarên DAIŞê êrîşî şivanên Kurd kirin û di encamê de şivanek û çekdarek hatin kuştin.
Jêderekî ji pileya Emîd ji polîsa Kerkûkê ji K24ê re got, 2 çekdarên DAIŞê li nahiya Leylanê êrîşî ser 4 şivanan kir û pevçûn di navbera wan de derket. Di endamê de jî şivanek şehîd bû û çekdarekî DAIŞê hat kuştin û çekdarê din jî reviya.
Li gorî wî jêderî, ev şivanê şehîd bûye navê wî Zîrek Zahîr e û ji gundê Beyanlû ya ser bi nahiya Leylanê ve ye.
Nahiya Leylanê 19 km li başûrê rojhilatê bajarê Kerkûkê dikeve. Niştecihên wê Kurd in û Ereb jî di serdema partiya Beisê de lê hatin bicihkirin.
K24
