Rojane zêdetir ji 300 malbetên Ereb li Xaneqînê tên bicîhkirin.

Berpisê partiya demokrata Kurdistanê li Xaneqînê, Şêx Cefer Mistefa ragihand ku, prosesa biereb kirina Xaneqînê dîsa destpê kiriye û rojane zêdetir ji 300 malbetên Ereb li Xaneqînê tên bicîhkirin.

Cefer Şêx Mistefa eşkere kir ku, hikûmet, dadgeh û artêşa Îraqê jî piştîvanî û piştgîriya wan Ereban dikin û hana Erebên din didin ku li Xaneqînê nîştecîh bibin.

Nav hatî diyar kiriye ku ev planeke dijî Kurde û tevahiya gundên derdorê Xaneqînê jî hatine valakirin û dadgeheke formalîte jî hatiye avakirin û ev dadgeha han jî piştîvaniya wan Ereban dike.

Ev berpirsê PDKê eşkere kiriye ku wan hikûmeta herêmê û hikûmeta federalî jî hayedar kirine û heta niha hikûmeta federalî ti daxuyaniyek nedaye û ti gavek jî neavêtiye.