Xelkê Sinûnê 4 roj mohlet dane PKKê: Divê ji Sinûnê derkevin
Xelkê nahiya Sinûnê ya Şingalê 4 roj mohlet dane PKKê ku baregeh û çekdarên xwe ji devera wan derxîne.
Duhî baregeha PKKê li nav nahiya Sinûnê ya Şingalê de ji aliyê firokeyên Tirkiyê ve hat bordûmankirin. Tê gotin ku gelek kuştî û birîndarên PKKê hene lê PKK vedişêre. Di wê êrişê de herî kêm 2 sivîl jî hatibûn kuştin.
Piştî êrişê xelkê Sinûnê li dijî hebûna PKKê li deverê kom bûn û daxwaz ji PKKê kirin ji devera wan derkeve.
Li gorî agahiyên BasNewsê, xelkê Sinûnê heta roja duşemê (20 vê mehê) mohlet dane PKKê da ku ji Sinûnê derkevin.
Basnews
