Serokwezîrê Herêma Kurdistanê Mesrûr Barzanî bi boneya 52yemîn salvegera damezrandina Yekîtiya Nivîskarên Kurd peyameke pîrozbahiyê belav kir.

Mesrûr Barzanî di peyama xwe de diyar kir: “Yekîtiya Nivîskarên Kurd di dirêjahiya temenê xwe de roleke girîng di xizmetkirina ziman û edebiyata Kurdî û tevgera ronakbîriyê li Kurdistanê dîtiye.”

Peyama Serokwezîr Mesrûr Barzanî wiha ye:

Bi boneya pêncî û duyemîn salvegera damezrandina Yekîtiya Nivîskarên Kurd, pîrozbahiyên herî germ arasteyî endamên melbenda giştî û hemû endamên Yekîtiya Nivîskarên Kurd û nivîskarên Kurdistanê bi giştî dikim.

Yekîtiya Nivîskarên Kurd di dirêjahiya temenê xwe de roleke girîng di xizmetkirina ziman û edebiyata Kurdî û tevgera ronakbîriyê li Kurdistanê dîtiye û her dem di qonaxên xwe yên cuda yên dîrokî de xwedî helwesta niştimanî bûye di mijara berevanîkirina mafên rewa yên gelê Kurdistanê de.

Di vê boneyê de, bi rêz û pêzanînê ve, em hemû wan nivîskar û rewşenbîrên Kurdistanê bi bîr tînin, ku bi nivîs û berhemên xwe û helwesta xwe ya niştimanî, di rêza pêş a dakokîkirina nasname û nirxên pîroz ên gelê Kurdistanê de bûn.

Salvegera Damezrandina Yekîtiya Nivîskarên Kurd li hemû nivîskarên Kurdistanê pîroz be û her dem serkeftî bin.

Mesrûr Barzanî

Serokwezîrê Herêma Kurdistanê

 

K24