Li parêzgeha Xarpêtê welatiyekî xanenîşîn di zivistana dijwar de havîngeha xwe bo pisikan dabîn kir û hemû berpirsiyariya wan a xwarin û tendirustiyê li xwe girt.

Li gundê Sugozuyê yê Xarpêtê ku 12 kîlometreyan ji navenda bajêr dûr e Mehmet Sami Seferogulları, havîngeha xwe ya zivistanê bi kar nayîne bo pisikan dabîn kir.

Rewşa ajelan zivistanan xeraptir dibe

Wêne: AA
Mehmet Sami Seferogullari, Welatî, dibêje, “Li gundê Sugozuyê havîngeh û baxçeyê me heye û em bi malbata xwe re havînan 3-4 mehan lê dimînin. Pisikên li herêmê havînan xwarinê peyda dikin, xwediyên baxçeyan xwarinê didin wan, lê zivistanan ji ber kesek nayê van deran di mijara xwarin û birçîbûnê de zehmetiyan dikşînin.”

Mehmet Sami Seferogullari, ji bo parastina xwarina pisikan sarîncek kiriye û ji mala xwe ya bajêr rojê carekê diçe havîngeha xwe seriyekî li pisikan dixe û xwarinê dide wan û dibêje pisikan bi nan, şîr, goşt û salamê xwedî dikim û ji mala xwe re çi dikirim ji van pisikan re jî heman tiştan dikirim.

Hejmara pisîkên li wê malê

Wêne: AA
Mehmet Sami Seferogullari, Welatî, dibêje, “Ez zivistanan di rojên sar de her roj û di rojên asayî de jî du rojan carê serdana vê derê dikim û bi qasî ji destê min tê xwarina wan didim û xizmeta wan dikim. Helbet li vê derê îsal berfeke zêde bariya û ji ber ev pisik di dîtina xwarinan de zehmetiyan dibînin heta pêkan be, ez têm vê derê. Li vê derê 18 pisik hene û heta ji destê min tê ez xizmeta wan dikim.”

Zivistana dijwar

Wêne: AA
Li Bakurê Kurdistanê, îsal zivistaneke dijwar heye ku ji ber berfa zêde bi taybetî jiyana ajelan zehmettir bûye.

Li piraniya bajarên Bakurê Kurdistanê, jîngeparêzan kampanya dan destpêkirin û ji bo ajelên kovî xwarin li xwezayê danîn da ku jiyana wan hêsantir bikin.

 

Rudaw