ENKSê di Roja Cîhanî ya Mafê Mirovan de, kiryar û binpêkirinên çekdarên opozisyona Sûriyê li Efrînê, Girê Spî û Serê Kaniyê şermezar kir û daxwaza dadgehkirina tewanbaran kir.

Encûmena Niştimanî ya Kurd li Sûriyê (ENKS), bi boneya Roja Cîhanî ya Mafê Mirovan daxuyaniyek belav kir û tê de binpêkirinên hêzên hikûmeta Sûriyê di mafê xelkê sivîl de, û kiryar û binpêkirinên çekdarên opozisyona Sûriyê, li Efrînê, Girê Spê û Serê Kaniyê, yên di derbarê mafên Kurdan de şermezar kir, û daxwaza rawestandina wan kiryaran û cezakirina tewanbaran dike.

Herweha ENKSê di daxuyaniya xwe de dibêje, ku ew careke din binpêkirinên dezgehên ser bi PYDê ve jî, ji nehiştina azadiya siyasî girtinê û birina zarokan şermezar kir û daxwaza rawestandina wan karan kir.

Encûmena Niştimanî ya Kurd li Sûriyê ENKSê daxwazê ji saziyên Neteweyên Yekbûyî û yên mafên mirovan jî dike, ku fişarê li rêjîma Sûriyê bikin, da ku girtiyên siyasî serbest werin berdan.

 

Rudaw