Rêveberiya Giştî ya Keşnasiya Tirkiyê belav kiriye ku sê rojan berf li hinek parêzgehên Bakurê Kurdistanê dibare û pileyên germê bi awayekî berçav dadikevin.

Li gor daxuyaniya Rêveberiya Giştî ya Keşnasiya Tirkiyê, îro 9ê Mijdara 2021ê berf li parêzgehên Sêwaz, Erzîngan, Qers, Erzerom, Wan, Mûş, Bedlîs û Agirî dibare. Berfbarîn heta nîvê şeva Pêncşembê berdewam dike.

Rêveberiya Giştî ya Keşnasiya Tirkiyê ragihand ku sibe Çarşembê 10ê Midarê, wate di roja duyem a berfbarînê de, li Colemêrgê jî berf bibare. Roja Înê 12ê Mijdarê, heta dawiya hefteya bê keşûhewa normal dibe.

Di beşeke din a daxuyaniyê de tê gotin ku di dema wan hersê rojên berfbarînê de, pileyên germê bi kêmanî 6 pile dadikevin û bi şev hinek caran heta 8 pileyan dadikeve.

 

 

Rudaw