Komîsyona Bilind a Serbixwe ya Hilbijartin û Rapirsiyan a Herêma Kurdistanê, navê 38 partî û lîsteyên pesendkirî ragihand, ku dê bikarin beşdarî hilbijartinên Parlamentoya Kurdistanê bibin.



Rêveberê Giştî yê Peywendî û Ragihandinê li Komîsyona Bilind a Serbixwe ya Hilbijartin û Rapirsiyan a Herêma Kurdistanê Şoreş Hesen di civîneke çapemeniyê de navê 38 partî û lîsteyên ku ji aliyê komîsyonê ve hatine pesendkirin ragihand.



Şoreş Hesen da zanîn, ku sê lîsteyên pêhhateyên Êzidî, Xiristiyan û Tirkmenan jî hatine redkirin.



Hesen da xuyakirin, ku piştî lêkolînan dê di navbera rojên 18 û 20ê Hezîranê de dest bi wergirtina navên hevpeymaniyan bikin. Herwiha di navbera rojên 3 û 25ê Tîrmehê de navê namzedên hatine pesendkirin, tomar bikin.



Biryare roja 30-09-2018ê hilbijartinên Parlamentoya Kurdistanê werin kirin.



Navê partî û lîsteyên beşdarî hilbijartinên Parlamentoya Kurdistanê bibin wiha ne:



1- Partiya Sosyalîst û Demokratên Kurdistanê (PSDK)

2- Partiya Demokrata Kurdistanê (PDK)

3- Partiya Karker û Kedkarên Kurdistanê

4- Lîsteya Takekesî ya Ermen (Noyar Sîpan Xerîb)

5- Lîsteya Takekesî ya Ermen (Yûwanît Nîsan)

6- Lîsteya Takekesî ya Ermen (Aram Bozo Hemo)

7- Lîsteya Azadî

8- Bereya Tirkmen a Iraqê

9- Meclîsa Gel a Kildan, Aşûrî û Suryanî

10- Partiya çaksaziya Tirkmen

11- Lîsteya Demokrat a Bednahreyn

12- Lîsteya Takekesî ya Ermen (Mûrad Mardiros)

13- Lîsteya Takekesî ya Ermen (Fahîk Kemal)

14- Komela Îslamî ya Kurdistanê

15- Tevgera Îslamî ya Kurdistanê

16- Yekgirtûya Îslamî ya Kurdistanê

17- Hevpeymanî bo Demokrasî û Dadperwerî

18- Partiya Zehmetkêşên Kurdistanê

19- Lîsteya Rafîdeyn

20- Yekîtiya Nîştîmanî ya Kurdistanê (YNK)

21- Tevgera Goran

22- Tevgera Nifşên Nû

23- Tevgera Azadî ya Civaka Kurdistanê

24- Tevgera Brûska Tirkmen

25- Lîsteya Tikmenên Demokrat

26- Lîsteya Xiristiyanên Demokrat

27- Edkar Hakob Bitros

28- Tevgera Şilama

29- Yekîtiya Neteweyî ya Demokratên Kurdistanê

30- Lîsteya Tirkmenên Hewlêrê

31- Partiya Geşepêdan a Tirkmen

32- Tevgera Paşeroja Êzidiyan

33- Lîsteya Millet

34- Hevpeymaniya Tirkmenên Hewlêrê

35- Partiya Yekîtiya Demokratîk a Kildanî

36- Encûmena Neteweyî ya Kildan

37- Partiya Parêzgarên Kurdistanê

38- Îbna El-Nahreyn



Herwiha, navê 3 lîsteyên pêkhateyan ên Xiristiyan, Êzidî û Tirkmenan jî nehatine pesend kirin û navên wan jî wiha ne:



1- Hevpeymaniya Sûryanî

2- Lîsteya Hevpeymanan ji bo Wekheviyê ya Tirkmenan

3- Partiya Êzdî ya Demokrat

Rudaw