10 senatorên Amerîkayê ji Joe Biden daxwaz dikin ku binpêkirinên Serokomarê Tirkiyê Recep Tayyip Erdogan yên derbarê Kurdan de bi tundî şermezar bike û sînorekî deyne.

10 senatorên Komarî û Demokrat, li Encûmena Nûneran a Amerîkayê, li ser binpêkirina mafên Kurdan ji aliyê Serokomarê Tirkiyê Recep Tayyip Erdogan ve, nameyek ji Serokê Amerîkayê Joe Biden re şand. Name bi serperiştiya Senator Chris Van Hollen ê Demokrat û Senator James Lankford ê Komarî ve ji Joe Biden re hatiye şandin.

Di nameyê de hatiye diyarkirin ku Partiya Demokrat a Gelan (HDP) sêyem partiya Tirkiyê ye û niha desthilat hewl dide ku wê partiyê bigre, ji Biden hatiye xwestin ku Erdogan agahdar bike û eger HDP were girtin, zextên li ser Kurdan dê berdewam bibin û encamên wê dê gelek xirab bibin.

Herwiha ji Serokê Amerîkayê Joe Biden hatiye daxwazkirin ku ji bo cîbicîkirina biryarên Dadgeha Mafên Mirovan a Ewropayê (DMME) û azadkirina Hevserokê berê yê HDPê Selahattin Demirtaş, zext li Tirkiyê were kirin.

 

K24