Duh ji demjimêr 07:00ê proseya dengdana hilbijartinên Parlementoya Iraqê li seranserê parêzgehên Iraq û Başûrê Kurdistanê birêve çû. Li gorî encamên yekemîn PDK li Hewlêr û Duhokê û YNK jî li Silêmaniyê di rêza yekemîn de ye.



Encamên yekemîn ên hilbijartinên Parlamentoya Iraqê eşkere dibin. Her çend Tevgera Goran, Hevpeymanî bo Demokrasî û Dadperwerî, Partiya Demokrat a Kurdistanê, Yekgirtûya Îslamî, Komela Îslamî û Nifşên Nû bi daxuyaniyên cuda diyar kirin, ku di hilbijartinên Silêmanî û Helebceyê de destkarî çêbûye û encam li gorî berjewendiya aliyekê hatine guhertin jî encamên yekem ên her sê parêzgehên Herêma Kurdistanê wiha ne:



Li navenda Hewlêrê:



PDK: 68 hezar û 385 deng



YNK: 17 hezar û 236 deng



Hevpeymanî: 9 hezar û 798 deng



Nifşê Nû: 11 hezar û 232 deng



Yekgirtû: 3 hezar û 254 deng



Goran: 6 hezar û 384 deng



Komel: 5 hezar û 369



Li gorî encamên giştî PDK 8 kursî, YNK 3 kursî, Nifşê Nû 2 kursî, Komel 1 û Goran jî 1 kursiyan bidst dixe.



Li seranserê Duhokê:



PDK: 84 hezar deng



YNK: 22 hezar deng



Hevpeymanî: 24 hezar deng



Goran: 536 deng



Yekgirtû: 41 hezar û 100 deng



Komel: 252 deng



Nifşê Nû: 638 deng



Li gorî van encaman PDK 9 kursî û Yekgirtû jî 2 kursiyan bidest dixe.



Encamên navenda Silêmaniyê:



YNK: 37 hezar û 23 deng



Goran: 25 hezar û 267 deng



Nifşê Nû: 10 hezar û 193 deng



Hevpeymanî: 7 hezar û 398 deng



PDK: 6 hezar û 59 deng



Komel: 5 hezar û 650 deng



Yekgirtû: 3 hezar û 638 deng.

Rudaw