Wezîrê Derve yê Amerîkayê bo duyemîn car serdana Koreya Bakur kir û wiha biryar e ku di serdana xwe ya vê carê de kesên desteserkirî yên amerîkî bi xwe re vegerîne Amerîkayê.



Berpirsên Koreya Başûr aşkere kirine, ku Wezîrê Derve yê Amerîkayê Mike Pompeo îro Çarşemiyê gihîştiye Pyongyang a paytexta Koreya Bakur û biryar e li gel serokê wî welatî Kim Jong-un bicive.



Li gorî zanyariyan, biryar e Mike Pompeo di vê serdana xwe ya bo Koreya Bakur de bi rayedarên wî welatî re hevdîtin û civîna lûtke ya navbera Donald Trump û Kim Joung-un gotûbêj bike, ku biryar e dawiya vê mehê yan jî destpêka meha bihê were encamdan.



Li gor gotina berpirsên Koreya Başûr, Pompeo dixwaze di vê serdanê de 3 kes ji welatiyên amerîkî yên ku ji aliyê Koreya Bakur ve hatine desteserkirin, bi xwe re vegerîne Amerîkayê.



Di heyama şeş heftiyên bihorî de, ev cara duyem e ku Wezîrê Derve yê Amerîkayê serdana Koreya Bakur dike.

Rudaw