Çavkaniyên xwecihî dibêjin, îşev li bajarê Qamişlo yê Rojavayê Kurdistanê dengê teqînekê hatiye bihîstin.



Li gorî zanyariyên destpêkê, denqê teqînê li nêzîkî xwandingeha Ehmed Mirêwîd a li bazara Hetîn a taxa Xerbî ya bajarê Qamişloyê hatiye bihîstin.



Çavkaniyekê ji bajarê Qamişloyê ji Rûdawê re ragihand, ku bombeyeke pêvekirî li nêzîkî xwandingeha Ehmed Mirêwîd bi wesayitekê ve teqiyaye.



Derbarê zirarên canî û madî yên teqînê de hêj ti agahiyên zelal nehatine ragihandin.



Hêzên Asayişa Rêveberiya Xweser piştî dengê teqînê gihîştine cihê bûyerê û hewla kontrolkirina rewşê didin.

Rudaw