Şand herêma Kurdistanê ya ji serokê hikûmetê Nêçîrvan Barzanî û Şêwirmendê Encûmena Asayîşa Herêma Kurdistanê Mesrûr Barzanî pêktê, di protokola konferansa ewlehiyê ya Munchenê bi fermî hatin vexwandin û çavdêrek siyasî jî dibêje, beşdariya şandeyê bandorek rasterast dê li ser encamên konferansê bikin.

Li gor bernameya karê konferansa ewlehiya cîhanî ya Munchenê serokwezîr Nêçîrvan Barzanî û şêwirmendê encûmena asayîşa herêma Kurdistanê Mesrûr Barzanî di asta serokên welatan de ji kongreyê re hatine vexwandin û hevdîtin û civînên wan jî dê di wê astê de bin.

Pisporê şaraza yê karûbarên navnetewî û siyaseta derve Rêbuwar Teha ji BasNewsê re ragehand, li gor yasayên navnetewî û protokola welatan, şanda herêma Kurdistanê li astan welat de beşdarî kongreyê bûne, serok û rêveberên welatan jî di wê astê de dê daxwaza hevdîtin û civînan li şanda herêma Kurdistanê bikin.

Rêbuwar Teha got, hevdîtin û civînên Mesrûr Barzanî û Nêçîrvan Barzanî yên li gel rêveberên welatan ‘’Dê bandorek rasterast li ser encamên konferansê bikin.’’ Herwaha nêrîna welatan jî derbarê pirsgirêkên rojhilata navîn bi giştî û bi taybetî jî derbarê Iraq û Sûriyê de dê ronî tir bibe.

Basnews