Şervaneke jin ser bi Yekîneyên Parastina Jinê YPJê ve, tankeke milîsên "Ehrar El-Şam" ku Enqera piştevaniya wê dike, bi mûşekekê teqand û çekdarekî wê girûpê hat kuştin.

Di dema teqandina wê tankê de, yek ji şervanên YPJ bi riya mûşekek dijî nakan, li insane dide û tankê diteqîne ku di encamê de jî çekdarekî girûpa Ehrar El-Şam tê kuştin, dîmenên wê çalakiyê bi vîdyo ji aliyê hevaleke wê şervanê ve hatiye kişandin û li ser torên civakî belav bûye.

Di 20/1/2018an de artêşa Tirkiyê bi hevkariya hin girûpên bi navê (Artêşa Azad) dest bi operasyona bi navê (Şaxê Zeytûnê) kirin û heya niha jî ew operasyon berdewam e.

Di dawîn daxuyanî de jî, rêvebirê Riwangeha Sûrî ya Mafên Mirovan Ramî Ebdilrehman ragihand, ku heya niha artêşa Tirkiyê tenê 3% ji gundewarên Efrînê control kiriye.

K24