Piştî daxuyaniya hevserokê HDPê Selahatti Demirtaş a got ez dê di kongreya 11ê sibatê nebime namzet, ji bo hevserokatiyê navê hevşaredarê Mêrdînê Ahmet Turk jî derketibû pêş. Siyasetmedarê xwedan tecrube Turk diyar kir ku, ji ber rewşa xwe ya tenduristiyê ew dê nekaribe vê wezîfeyê bike û got, divê yekî ciwan û dînamîk bibe hevserokê partiyê.

Piştî ku Selahattin Demirtaş diyar kir ku ew dê di kongreyê de nebe namzed. Ji bo hevserokê nû lêgerîn û nîqaş diomin. Hatibû ragihandin ku ji bo hevserokatiya HDPê navê siyasetmedarê pispor Ahmet Turk jî derbas dibû. Turk derbarê mijarê de daxuyaniyek da. Daxuyanîya Turk wiha ye:

Turk diyar kir ku haya wî jê tune ye ku navê wî ji bo hevserokatiyê derbas dibe û got ji ber rewşa xwe ya tenduristiyê li wezîfeyeke nafikire û wiha berdewam kir:

“Bi ya min divê wezîfeyeke wiha hevalekî ciwan û dînamîk bike. Pirsgirêkên min ên tenduristiyê hene. Partiya me berî kongreya giştî dê konferansên herêmî lidar bixe. Di van konferansan divê piştgiriyeke xurt bê dayîn. Heta ku rewşa min a tenduristiyê derfet bide ez dê tevlî van xebatan bidim û piştgiriyê bikin. Ji bo hevserokatiyê rewşa min a tenduristiyê rê nade min, lewre ez wezîfeyek wiha nafikirim.”

waar,tv