Berpirsê encûmena siyasî û cemawerî a Yekgirtûya Islamî ya Kurdistanê Hadî Elî, di kongirekî rojnamevanî de, ragihand ku heya 15/1/2018an ewê di nav Hikûmeta Herêma Kurdistanê de bimînin, ji niha heya wê demê, divê Hikûmet rewşa jiyana xelkê baş bike, heger na, ewê helwesta xwe ya dawî eşkere bikin.

Hadî Elî di wî kongirî ragihand, ku partiya wî daxwaza pêkanîna komîteyeke perlemanî dike, daku lêkolînê di bûyerên çend rojên derbasbûyî de bike û kar ji bo azadkirina girtiyan bike û ew kesên ku xwepêşandan ji rê derxistine eşkere bike.

Herweha daxwaz dike ku Hikûmet, di zûtirîn dem de bersiva daxwazên xwepêşanderan bide û belavkirina hêzên serbazî di nav bajaran de bidawî bîne.

Bi gotina Hadî Elî, ji niha heya ew dema diyarkirî, wê şandeke Yekgirtû serdana aliyên pêwendîdar bike.

K24