Li welatê Misirê bajarê Îskenderiye du trên li hev ketin û di encama bûyerê de 36 kesan jiyana xwe ji dest dan û 123 kes jî birîndar bû.

Li gor medyaya Misirê di bûyerê de herî kêm 36 kesan canê xwe ji dest dane û 123 kes jî birîndar bûne.

Televîzyona dewletê di destpêkê de hejmara miriyan weke 18 û hejmara birîndaran jî weke 58 aşkere kir.

Ajansa nûçeyan a Al Masry Al Youm jî diyar kir, hejmara birîndarên ku ber bi nexweşxaneyan hatine veguhastin, ne diyar e.

Herwiha hate diyarkirin, ku her du trên, yek ji bajarê Qahîreyê û ya din jî ji bajarê Port Seîd bi rê ketine.

Hat ragihandin, ku gelek ambulans û tîmên rizgarkirinê gihiştine cihê bûyerê.

Rudaw