Brêt Mekgurkî spasîya hêzên pêşmerge kir û ragîhand ku wan rolekê baş di şikandina terorîstan da hebû.

Brêt Mekgurk, nûnerê taybet yê serokê Amerîkayê di Hevpeymanîya Navdewletî ya dijî Daişê da, di kongreyekê rojnamevanî da li Bexdayê ragîhand: ew gelek spasîya hêzên pêşmerge dikin ku hemahengî û hevkarîyeka baş di gel Amerîkayê da hebûye û şanazî bi wan tê kir ku pêgîrî prensîpên mafên mirovî ne û alîkarên awareyane û xizmeteka zêde ya xelkê Mûsilê kirine.

Mekgurkî herweha dîyar kir: bi hemahengîya serkeftî ya hêzên pêşmerge û hêzên Îraqê heta niha ji sedî 65 xaka deste Daişê kontrol kirine û du milyon Îraqîyan ji terorîstan rizgar kirine.

Nûnerê Trump got jî: hemahengî û hevpeymanîyeka xurt û serkeftî di navbera alîyên Îraqî da li Mûsilê hebû û pêşmege rolekê baş di şikandina terorîstan da heye ku çend deverên derdora Mûsilê û hindekên nava Mûsilê rizgar kirin û hemû alîyan bi hevra zêdetirî sed û heştê kesatîyên nêzîkî Bexdadî û serkirdeyên Ddaişê kuştine.

War.tv