Serokê Herêma Kurdistanê piştî beşdariya di Konfransa Ewlekariya Cîhanî ya Munchenê û herwiha hevdîtina bi Serokê Fransayê François Holland re, peyamek belav kir.

Mesûd Barzanî di vê peyama xwe de ku li ser hesaba taybet a wî li ser tora civakî ya Facebookê belav kiriye, dibêje, rol û rewşa niha ya Herêma Kurdistanê di asta cîhanê de cihê geşbîniyê ye.

Barzanî wiha got:

“Amadehiya bihêz a Herêma Kurdistanê li Kongreya Asayişa Cîhanî ya li Munîxê (Munchen) û goftûgokirina li gel kesayetî û şanda welatên bi bandor ên cîhanê derbarê rewşa navçeyê û çarenivîsa Herêma Kurdistanê de, cihê geşbîniyê ye”.

Barzanî herwiha di beşeke din a peyama xwe de tekez dike: “Ev pêgeha giran a Kurdistanê di hevkêşeyên germên siyasî yên cîhanê de, berhema îradeya azadîxwazî û qurbanîdana xortên wê ye”.

Rudaw