Şîrketa Rosnefta Rûsyayê ragihand, ku wan ji bo kirîna petrola Kurdistanê ligel hikûmeta Herêma Kurdistanê girêbestek îmze kirin.

Li gorî vê girêbestê dê şîrketa Rosneftê ji bo heyama 3 salan dê petrola Herêma Kurdistanê bikire û veguheze parzûngehên xwe yên li welatên cuda yên cîhanê.

Rêveberiya Cîbicîkar a Şîrketa Rosneftê jî diyar kir, veguhestina petrola Kurdistanê ji bo parzûngehên cîhanê dê şiyanên şîrketê zêdetir bike.

Girêbesta di navbera hikûmeta Herêma Kurdistanê û şîrketa Rosneftê de li Londonê di dema konferansa heftane ya petrolê de hate îmzekirin.

RUDAW