Fermandarê Giştî yê Hêzên Çekdarên Iraqê Heyder Ebadî ragihand, ku operasyona kontrolkirina rojavayê Mûsilê dest pê kiriye.

Serokwezîrê Iraqê û Fermandarê Giştî yê Hêzên Çekdarên Iraqê Heyder Ebadî îro (19-02-2017) bi daxuyaniyekê ragihand, operasyona kontrolkirina rojavayê Mûsilê dest pê kiriye lê beriya operasyonê erkê wan rizgarkirina xelkê ye û paşî yê axê.

Heyder Ebadî di daxuyaniya xwe de pesnê hêzên ewlekariya Iraqê jî kir û got; “We bi pehlewaniya xwe, bi serkeftin û alîkariya hemwelatiyên xwe, cîhan mat kir.”

Operasyona kontrolkirina Mûsil û Deşta Nînowayê roja 17ê Cotmeha 2016ê dest pê kir. Di pêngava yekemîn de Hêzên Pêşmerge herêmên rojhilatê Mûsilê kontrol kir û rêya Artêşa Iraqê vekir.

Piştî 3 mehan roja 24ê Çileya 2017ê Serokwezîrê Iraqê Heyder Ebadî ragihand, ku rojhilatê Mûsilê ji destê DAIŞê hatiye rizgarkirin.

Rudaw