Çaverê tê kirin, roja Înê kongreya asayîşa Navdewletî ya Myonişin destpê bike û Mesûd Barzanî serokê herêma Kurdistanê jî pişikdar bibe.

Li gorî zanyarîyan, kongreya asayîşa Navdewletî ya sala 2017, li roja Înê ya bê, bi pişikdarîya nêzîkî 500 serok û serkirde û kesayetîyên welatên cîhanê, dê li bajarê Miyonşin li Almanya destpê bike û Mesûd Barzanî serokê herêma Kurdistanê jî, bi fermî ji bo kongreyê hatîye daxwaz kirin û çaverêye di çarçovê kongreyê da, hijmareyeka kombûnan digel mezin yê serkirdeyên welatên cîhanê bike.

Eve duwem sale Barzanî pişikdarî kongre Myonşin dibe û sala borî jî, Barzanî di kongreyê da, pişikdarî penelekê li dor (Jeopolîtîka nû ya sîyasî li rojhilata navîn) bû û behsa asayîşa rojhilata navîn û serkeftinên hêzên pêşmerge û rewşa darayîya herêmê kiribû.

Hatîye ragîhandin, ku sê berpirsên mezin yê îdareya nûya Amerîka û emîndarê giştî yê Neteweyên Yekgirtî û emîndarê Natoyê, digel serok û serok wezîr û wezîrên derve yên çend welatan pişikdar bin.

War.tv