Peyamnêrê Rûdawê li Bexdayê ragihand, ku îro dê li bajêr xwepêşandanek bê sazkirin. Lewma jî Fermandariya Operasyonên Bexdayê daxwaz ji hemû parlamenter, wezîr û berpirsên hikûmî kiriye, ku parlamentoyê û herwiha avahiyên hikûmetê yên li Navçeya Kesk vala bikin.

Peyamnêrê me da zanîn, ku piştî vê hişyariyê hemû berpirsên hikûmî û parlamenter ji Navçeya Kesk hatine derxistin û tenê hêzên ewlekariyê mane.

Herwiha ji ber egera dagirkirina Navçeya Kesk ji aliyê xwepêşanderan ve, rojnamevan jî ji vê navçeyê hatine derxistin.

Biryar e demjimêr 15.00ê piştî nîvro li pêşiya Navçeya Kesk û Meydana Hurriye xwepêşandanekî mezin bê sazkirin.

Xwepêşandanên li Bexdayê di pêşengiya Tevgera Sadir de tên lidarxistin. Xwepêşander dixwazin çaksazî bên kirin, kesên gendelî kirine bên darizandin, girtî bên berdan û herwiha hikûmet sozên xwe bicîh bîne.

Rudaw