Roja Îniyê 27ê Çile, Serokê Amerîkayê Donald Trump biryara qedexekirina vizayê ji bo hevwelatiyên heft welatan ragihand. Hîn di dema hilbijartina Serokatiyê de Trump ragihandibû, ku “Dê biryarên bibandor yên girêdayî sefer û seredanên Amerikayê, ji bo hevwelatiyên gelek welatan, bi taybetî yên Musilman werbigire.”

Biryara Trump tê çi wateyê:

Qedexeya hatina Amerikayê ji bo hevwelatiyên heft welatan Îran, Iraq, Sûriye, Libya, Yemen, Somalia û Sudan. Ev, heman welat in ku sala par, wekî welatên “herî ne ewle” hatibûn binavkirin.
Hejmara hevwelatiyên, ku bandorê ji biryara Trump dibînin 134 milyon mirov in.
Dezgeha Ewleyiya Navxweyî (Homeland Security) di nav 30 rojan de, dê biryara xwe rabighîne, ku kîjan welat agahdariyên pêwîst digihînin sazûmanên Amerikayê. Girêdayî vê, welatên ku qedexe li ser wergirtina vizaya hevwelatiyên wan hene, dikarin zêde bibin.
Hejmara penaberan li Amerîka, ji 110 hezar kesan, bikeve 50 hezaran.