Serokwezîrê Tirkiyê Bînalî Yildirim diyar kir ku helwesta Amerîkayê ya derbarê rêxistina Gûlen de hatiye guhertin.

Bînalî Yildirim got ku helwesta Amerîkayê li piştî hewldana darbeya 15ê Tîrmehê bi awayek erênî hatiye guhertin û niha dest bi tevgerê kirine.

Yildirim daxuyand ku dê Cîgirê Serokê Amerîkayê Joe Biden jî serdana Tirkiyê bike.

Derbarê operasyonên li pişt darbeyê jî Serokwezîrê Tirkiyê got:

“Zehmet e ku mirov wan kesên ku raste rast li gel rêxistina Gûlen pêwendîdar in û yên ne pêwendîdar ji hev cûda bike. Toreke van a ragihandinê heye. 50 hezar kes in. Ji bo em wan ji hev cûda bikin, bi hestyarî kar dikin.”

Bînalî Yildirim got ku di nava tevahî saziyên siyasî û leşkerî de ji bo diyarkirina kesên endam û alîgirên vê rêxistinê, kar dikin.

Rudaw