Malpera Panorama ya Îtalî, wêneyên perwerdeya leşkerî ya 300 Pêşmergeyên Kurdistanê belav kirine. Herwiha tê gotin ku armanca vê perwerdekirinê jî ew e ku Hêzên Pêşmerge di şerê dijî DAİŞê de bihêztir bibin.

Li gor agahiyên ber dest, ji xeynî Îtalya, Almanya, Brîtanya, Hingarya, Norweç, Finlanda û Hollanda jî Hêzên Pêşmerge yên Kurdistanê perwerde dikin. Herwiha ligel perwerdeya Pêşmergeyan alîkariya lojîstîk û çek û cebilxane jî tê kirin.

Piştî ku DAİŞê êrîşî navçeyên Kurdistanî yên derveyî îdareya herêmê kirin, Îtalyayê bi gelek awayan alîkariya Hêzên Pêşmerge û Hikûmeta Herêma Kurdistanê kir. Herwiha ligel alîkariyên leşkerî alîkariya mirovî jî kir.

K24