Serok Barzanî pêşwaziya Cîgirê Serokê Parlemena Ewrupa kir
Li hevdîtinê de Cîgirê Serokê Parlemena Ewrupa xweşhaliya xwe li rexsandina vê hevdîtina li gel Serok Barzanî derbirî û ji nêzîk ve agahdarî rewşa siyasiya navçeyê û Kurdistanê bibe. Her wiha bi sedema wan pêşketinên ku li bîst salên derbasbûyî de li Kurdistanê pêkhatine pesna Serok Barzanî û gelê Kurdistanê kir û Kurdistanê bi tuxmêkî bi bandor ya li aramiya navçeyê de da zanîn û ragihand ku bi bêyî Kurdistanê çareseriya aştiyane li navçeyê da pêknayê. Li dirêjahiya axaftina xwe de wê yekê xisterû ku gelek pêwîste Ewrupa û cîhan agahdarî rastiyan û rola Kurdistanê ya li aramî û aştiya li navçeyê de bibîne û piştgîriya xwe jî ji bo berfirehkirina hewlên welatên Ewrupa ya ji bo piştevanîkirina Kurdistanê li ruyê aborî û mirovî ve nîşanda. Cîgirê Serokê Parlemena Ewrupa ji bilî wê yekê ku pêzanînên xwe ji bo kultûra pêkvejiyana gelê Kurdistanê hebû, destxweşiyê li Serok Barzanî û hêzên Pêşmergeyên Kurdistanê ya li rûbirûbûna terorîstan û her wiha palpiştîkirin û parastina Mesîhî û pêkhatên din yê ji hereşe û tehdîdan kir.
Li beranber da Serok Barzanî spasiya helwesta Cîgirê Serokê Parlemena Ewrupa kir û behsa azar û xebat û qurbanîdana gelê Kurdistanê ya di dema sed sala derbasbûyî de bi navê azadî û parastina nasnameya xwe de kir û wê yekê xisterû ku di destpêka sedsala pêşî da bi bêyî wergirtina raya gelê Kurdistanê rastiyeke tehl û pir li zulm û înkar li ser gelê me da hate sepandin lê belê gelê Kurdistanê li beranber wê rastiyê xwe bi dest ve neda û xwe parast û niha jî gelê Kurdistanê bi awayeke aştiyane û diyalog berev mîsogerkirina mafên xwe yên rewa hengavan davêje.
Li beşekî dinê axaftina xwe de Serok Barzanî behsa dirindeyî û wehşîgeriya terorîstên Da'îş û metirsiya wan ya li ser hemû mirovayetiyê kir û balkişand li ser wê yekê ku bi şanaziyê ve Pêşmerge karî Da'îşê li Kurdistanê têkbişkîne û parastina xuşk û birayên Mesîhî û pêkhatên olî û neteweyiyên din bi erkekî mirovî û niştîmaniya gelê Kurdistanê wesif kir. Her wiha balkişand li ser têçûna maddî û miroviya şer û mîhvandariya koçberan û giriftên aboriyên Herêma Kurdistanê û daxwaz kir ku welatên Ewrupayî li yarmetîdana koçberan de hevkariya Kurdistanê bikin.
