Serokwezîrê Tirkiyê Ahmet Davûdoglu civîna xwe ya çaverêkirî ya ligel Hevserokê Partiya Demokratîk a Gelan (HDP) Selahedîn Demîrtaş betal kir.

Piştî Şer û Pevçûnên vê dawiyê yên Bakurê Kurdistanê Serokwezîrê Tirkiyê Ahmet Davûtoglu daxwaza civînê ji her 3 partiyên dijbereyê kiribû, her yek ji HDP û CHP û MHPê bi awayekî erênî bersiva banga Davûtoglu dabûn û biryar bû roja 30ê vê mehê gotûbêjên wan dest pê kiribana.

Herwiha biryar bû Ahmet Davûdoglu û Selahedîn Demîrtaş rewşa giştî ya Tirkiyê gotûbêj kirbana, lê Davûdoglu îro ew civîn betal kir.

Serokwezîra Tirkiyê di daxuyaniyekê de ragihand ku, civîna Davûdoglu û Demîrtaş betal bû ji ber ku, piştî daxuyaniyên vê dawiyê yên berpirsên HDPê êdî pêwîstî bi civînê nemaye.


Berpirsên HDPê piştgirî dabûn xendekên li Bakurê Kurdistanê û daxwaza xweseriyê li Bakur kiribûn.

Li gorî wê daxuyaniyê, operasyona hêzên Tirkiyê li dijî xendekan dê berdewam be û kesên ku zerer dîtine dê werin tawîz ango qerebûkirin.

Rudaw