Parlamentera Kurdê Êzdî ya Parlamena Iraqê Viyan Dexîl di nav welatên Erebî de ‘’Kesayeta Salê’’ hate hilbijartin. Dexîl got ew zêdetir jiber rizgarbûna Şingalê dilxweş û şad bûye.

Parlamentera Ezdî ya ji lîsteya PDK’ê li Parlemena Iraqê Viyan Dexîl, di neva hemû welatên Ereb de weke Kesateya Jin a Salê hate destnîşan kirin.

Dezgaha Destpêşxeriya Rêzgirtinê ya Mibadre Tîkrîm a Lûbnanî, di çarçoveya çalakiyên salane de, her sal xelata kesayeta salê dide jinên derhêner, çalakvanên jin ên mafê mirov û jinan, zanist, teknolojî û beşên din jiyanê.

Di ahengek taybet de li Dûbay, xelata îsal dane Parlamentera Kurdê Êzdî Viyan Dexîl. Di ahengê de sînevîzyondek derbarê jiyan û karên Viyan Dexîl de hate pêşandan û paşî Dexîl weke ‘’Kesayeta Sala 2015’ê’’ hate hilbijartin.

Viyan Dexîl piştî wergirtina xelatê axivî û got: ‘’Eve sal nîveke min dilxweşî nedît. Dibe ku jiber vê yekê jî be vê xelata rêzgirtinê didin min. Lê ez gelek dilxweş im ku Şingal hate azadkirin. Ez hêvîdikim ku 3 hezar û 600 jin û keçên me yên di destê DAIŞ’ê de jî bêne azadkirin. Karesataliser van jinan de hatiye wê herdem weke birînek bi xwîn bimîne.’’

Dezgaha Destpêşxeriya Rêzgirtinê ya Mibadre Tîkrîm a Lûbnanî her sal di nava welatên Ereb de kesayetekê diyar dike û xelata rêzgirtinê jî li paytexta welatên cûda, dide xwediyên wan.

Basnews