Hat zanîn ku Partiya Demokrat a Kurdistana Îranê (PDKÎ) ji bo çareserkirina kirîza dorpêçkirina pêşmergeyên xwe ji aliyê PKKê ve, li benda hewlên hudirîn e.

Gerîlayên PKKê ji roja 21ê vê mehê ve li ser sînorê Başûr û Rojhilat û li devera Keleşînê, komek pêşmergeyên PDKÎ bi hêceta ku “guh nedane PKKê” dorpêç kirine.

Rayedarên PDKÎ jî ji bona çareserkirina vê kirîzê, şeva borî civiyan lê piştî civînê ti daxuyanî û biryarek nehat dayîn.

Li gorî agahiyên Rûdawê, PDKÎ li benda hewlên hundirîn e ji bo çareserkirina kirîza dorpêçkirina pêşmergeyên xwe.

Tê gotin ku ew pêşmergeyên PDKÎ yên ku ji aliyê PKKê ve hatine dorpêçkirin, dixwazin li ser sînorê Başûr û Rojhilat bicî bibin lê PKKê nahêle.

Rudaw