Nêçîrvan Barzanî serokwezîrê herêma Kurdistanê, roja pêncşemiyê 14.05.2015ê li bajarê Hewlêrê, pêşwazî li Kazim Hesen Elraşid wezîrê gahandinê yê hikûmeta Îraqê û şandeya pê re kir û di civînekê de behsa hevkarî û hevahengiya navbera Bexda û Hewlêrê hat kirin.

Di civînê de ku, Mewlud Bawe Murad wezîrê guhastin û gehnadinê yê hikûmeta herêma Kurdistanê bi wekalet, amade bû, wezîrê gehanidnê yê Îraqê behsa kar û pirojeyên wezareta xwe yên di çarçoveya Îraqê de encam dide û hevkarî û hevahengiya navbera wezareta gehandin ya Îraqê û wezareta guhastiun û gehandinê ya hikûmeta herêma Kurdistanê de kir û got ku wezareta wî pilan hene bi awayekî baştir hevkarî û hevahengiyê digel saziyên peywendîdar û kompaniyên warê gehandinê yên herêma Kurdistanê bike.

Serokwezîr Nêçîrvan Barzanî got ku hikûmeta herêma Kurdistanê û aliyên peywendîdar bi kêfxweşî ve pêşwaziyê li hevkarî û hevahengiya navbera saziyên guhastin û gehandinê yên hikûmeta federaliya Îraqê û hikûmeta herêma Kurdistanê dike û hikûmeta herêma Kurdistanê amdeye di vî warî de hemû hevkariyê bike.

Serokwezîr tekîd li wê yekê kir ku, tevî hebûna pirsgirêkên siyasyî navbera Hewlêr û Bexdayê, lê wezaretên xizmetgozarî dikare hertim hevkarî û hevahengî di navbera wan de hebe daku xizmetên baştir pêşkeşî hevwelatiyên herêma Kurdistan û Îraqê bikin.