Nêçîrvan Barzanî pêşwazî li nûnera taybetiya sekreterê NYê kir
Di civînekê de Zeyneb Bangora behsa serdana xwe ya bo kampa koçber û penaberan kir û got ku, ew ji nêzîk haydarî rewşa koçberan, bi taybetî ew jinên êzidî yên ji aliyê terorîstên DAÎŞ ve rastî şidet û destdirijiya seksî bûne bû. Wê got ku, wê digel aliyên peywendîdar lêkolînên pêwîst kirin û piştevaniya xwe jî ji bo alîkarîkirin û hekarîkirina saziyên fermî û nefermî yêm herêma Kurdistanê, ji bona çareserkirina wan pirsgirêkan, bi tyabetî di warê saykolojî de alîkarîkirina jinên êzidiyên yên ji destê terorîstan rizgar bûne û vegerandina wan bo nav cavak û jiyana normal.
Nûnera sekreterê giştiyê NY rola hikûmeta herêma Kurdistanê di warê pêşwazîkirin, hewandin û alîkarîkirina koçber û penaberan de bilind nirxand.
Nêçîrvan Barzanî sipasiya serdana nûnera taybetiya sekreterê giştiyê NY bo karûbarên rêgirtin li pêşiya şideta li hember jinan li deverên kîşedar, bo herêma Kurdistanê kir û daxwaz kir ajans û rêxistinên ser bi NYê ve li ser piştevanîkirin û alîkarîkirina hikûmeta herêma Kurdistanê, ji bona zêdetir hevkarîkirina qurbaniyên destê terorê bike, kir.
Barzanî tekîd li ser aktîvkirina karê wan yekîneyên taybetên nava wezareta karê navxwe, li nav kamoan û li wîlayetan ku ji bona hevkarîkirina qurbaniyên şideta li hember jinan hatine damezrandin kir daku digel rêxistinên civaka medenî û ajansên ser bi YNê ve bi hev re ji derd û êşên wan qurbaniyan kêm bikin û pirsên wan di hemû waran de çareser bikin.
