Berpirsekî PDK dibêje ku, partiya Beis li Celewlayê xwe rêdixe û “DAIŞê biniyaze êrîş bike ser Celewla û Seidiye.”

Berpirsê navçeya Celelwlayê yê Partiya Demokrata Kurdistanê (PDK) Amir Rifaat di daxuyaniyekê de îro, 19ê Nîsanê, ji BasNewsê re ragihand ku, DAIŞ dixwaze ji sînorê parêzgeha Diyale bikeve tevgerê û “karîna wan beramber Hêzên Pêşmerge nemaye.”

Amir Rifaat diyar dike ku, ji ber ku DAIŞê bide xuyakirin ku ew li navçeyê heye û şikstina xwe ya hemberî Pêşmerge veşêre, 80 çekdarên wê hatin û çûnê dikin û di navbera gundê Xelawî û Nide teqeyê de teqeyê li Seidiye û Kubaşî dikin û got: “Çekdar dixwazin êrîşê bikine ser Seidiye û Celewlayê.”

Rifaat balkişande ser wê yekê jî ku, niha DAIŞê çekdarên xwe veguhestine Xelaw, lê ew berdewam hewil dide ku êrîşî Celewlayê bike û Beisiyên wê navçeyê jî alîgirên DAIŞê ne û sîxuriyê jê re dikin.

Wî berpirsê PDK wiha berdewam kir “Qaide û DAIŞê bi fermana Beisiyan tevdigerin û niha Beisî mijûlê rêxistina rêzên xwe ne û dixwazin piştî DAIŞê bikevin wan sînorên ku niha di dest DAIŞê de ne.”

Basnews