li ser daxwaz Partiya Lîsta Yekgirtî (Ehedlisten) bo sazkirina civînekê derbarê pêdana alîkariya mirovî bo Kantona Kobanê, bi amadebpna Hikûmeta Danîmarkê, Wezîrê Derve, girûpek ji Partiya Yekîtiya Demokratîk (PYD) demjimêr 2 piştî nîvro civnek derbarê çawaniya dayîna alîkariya mirovî bo Kobanê hat saz kirin û dicivînê de tevaya partiyên hevbeş yên hikûmetê û parlemanê biryar dan ku,ewê alîkariya mirovî bi rêya Turkiye pêşkêşî Kobanê bikin.

Endamê Parlemana Danîmark`ê Nîkolay Fîlomsin ragihand ku, zehmete alîkarî bi rêya Heyva Sor ya Sûrî bê şandin, lewra Hikûmeta Danîmark`ê bo gihandina alîkariyê bo Kobanê ewê bikeve peywendiyan digel Hikûmeta Turkiye.

Parlemana Danîmark`ê pirsa vekirina deriyên mirovî yên li ser sinorê Turkiye digel Rojavayê Kurdistan`ê ku, ji bajarê Efrîn û heya Dêrîk`ê ye ku Hikûmeta Turkiye ew derî girtine gengeşe kirin û Parlemanê daxwaz ji Wezîrê Derve kir ku, nameyek ya taybet rê bike ji Wezîrê Derve yê Turkiye daku deriyên bo alîkariya mirovî bo Kobanê vekin û dorpêça li Ser Rojavayê Kurdistan`ê jî rakin daku welatî bikaribin bi hêsanî vegerin cihwarên xwe.

Ji aliyê xwe Wezîrê Derve yê Danîmarkê di vê derbarê de soz da ku, ewê nameyekê rê bike bo Hikûmeta Turkiye û li ewê ser wan arîşeyan rawestin.


Xendan