Nêçîrvan Barzanî serokwezîrê herêma Kurdistanê di bersiva vexwandina bo pîrozkirina Newrozê de li Amedê, nameyak ji bo Partiya Demokratîka Gelan (HDP), Partiya Herêmêm Demokratîk (DBP) û Koma Civakên Demokratîk (KCD)ê re şand û ew peyama serokwezîr di destpêka şahiya Newrozê de ku îro li Amedê hat pîrozkrin, hat xwnedin.

Serokwezîrê herêma Kurdistanê Nêçîrvan Barzanî di peyama xwe de cejina Newrozê li HDP, DBP û KCDê hemû kurdistaniyan pîroz dike û hêvî dike ku Newroza îsal ji bo kurd, kurdistaniyan û gelên deverê û cîhanê bi xwe re serketin û şadiyê bîne.

Nêçîrvan Barzanî di peyama xwe de careke din piştevaniya xwe ji bo pêvajoya aşitiyê û çareseriyê û bi taybetî gavên ku vê dawiyê ji bo pêşdebirina pêvajoya aşitiyê hatine avêtin, nîşan dide û dibêje her kar û wezîfeyeke ji bo serketina pêvajoya aşitiyê û çareseriyê bikeve ser milên wan, ew made ne bicî bikin.