Li Tikrîtê şerekî giran diqewime
Li gorî wan vîdeoyên ku gihîştine Rûdawê şerekî giran li derdora bajarê Tikrîtê di navbera hêzên Iraqê û DAIŞê didome.
Efserekî Artêşa Iraqê jî ragihand ku pêşveçûnên wan ber bi navenda Tikrîtê ve berdewam dikin.
Li gorî gotinên wî berpirsê leşkerî, hemû navçeyên derdora bajarê Tikrîtê û beşên bakur û bakurê rojavayê bajêr jî ketine bin kontrola hêzên Iraqê de.
Heman berpirsî got, xelkê navçeyên derdora Tikrîtê dikarin vegerin ser mal û milkên xwe, ji ber ku niha tirs li ser navçeyên wan tune ye.
Operasyona girtina Tikrîtê 10 roj derbas kirine û heta niha hêzên iraqî ne gihiştine navenda wî bajarî, lê li gorî wan vîdyoyên ku gihîştine Rûdawê şerekî giran li derdorên wî bajarî didome.
Rudaw
