Îro duşembe sere sipêde, hêzên Pêşmerge yên Kurdistanê bi piştevaniya firokeyên hevpeymanan êrişeke berfireh bo ser binke û çeperên terorîstên DAIŞê li başûrê Kerkûkê û derdora qeza Hewîce destpêkirin.


Li gor zanyariyên gihîjtine PNA, hêzên Pêşmerge îro duşembe demjimêr 6 sipêde li navçeyên Til Elwerd, Mela Ebdullah, Meryem Beg, Mekteb Xalid êrişeke berfireh bo ser binke û çaperên DAIŞê destpêkirin û li gor pêzanînên hêzên pêşmerge gundê Simayîl Ava kontrol kirine û herwiha karîne dest bi ser çek û cebilxaneya DAIŞê de jî bigrin.

Li gor zanayriyan, hêzên pêşmerge berev pêşde diçin û terorîstên DAIŞê xwe li ber êrişa pêşmerge nagrin û paşde diçin.