Piştî serdana wezîrê aborî û geşepêdanê yê Almaniyayê bo herêma Kurdistanê û serdana penaberên Surî li kampa Dumîz li Duhokê, duhî Berîta Wagner safîra Alamniyayê li Îraqê, li bajarê Hewlêrê, digel Felah Mistefa berpirsê peywendîyên derveyê Kurdistanê di hevdîtinekê de basa zêdetir xurtkirin û berfirehkirina peywendîyan navbera her du alîyan û mekanîzma alîkarîkirina penaberên Rojavayê Kurdistanê (Surî) yên li herêma Kurdistanê kir.

Di hevdîtinê de ku, sefîr Borîs Roge berprisê beşa Rojhilata Nêzîk û Rojhilata Navîn li wezareta derve ya Almaniyayê û Suham Cebelî alîkara berpirsê peywendiyên derve amade bûn, Felah Msitefa behsa rewşa penaberên Surî û Rojavayê Kurdistanê yên li herêma Kurdistanê û ew hevkarî û alîkariya hikûmeta Kurdistanê pêşkeş dike kir.

Sefîra Almaniyayê behsa encamên serdana wezîrê aborî û geşepêdanê yê hikûmta almaniyayî bo herêma Kurdistanê kir û wê ew serdan bi serdanke serketî wesif kir. Wê got ku, hikûmeta Almaniyayê dê 15 milyon Euro ji bo alîkarîkirina penaberên Surî yên li herêma Kurdistanî bi rêxistinên WFP û UNICEF bide.

Mistefa ev insiyatîva hikûmeta Almaniyayê bilind nirxand û got ku, dê ev pêngava almaniyayê civaka navdewletî teşwîq bike ku, bi awayekî cidîtir alîkariya penaberên surî yên li herêma Kurdistanê bikin: ´´Hikûmeta herêma Kurdistanê ji bona bidestanîna alîkarîyên zêdetir bo penaberên Surî xebatên xwe çir dike. Hikûmeta Kurdistanê niha du kampên din li Hewlêr û Silêmaniyê bo penaberên Surî ava dike, ji ber ku, hijmara penaberên Surî li herêma Kurdistanê roj bo rojê ber bi zêdebûnê ve diçe.´´

Sefîra Almaniyayê, ji bona wê alîkariya pêşkeşî penaberên surî dike, sipasiya hikûmeta herêma Kurdistanê kir