Çavkaniyek ji hêzên polîs yên li Kerkûkê di peywendiyeke telefûnî de ji Kurdistantvê re ragehand ku, di direngahiya îşev de li navçeya Silêman beg ya li ser rêya navbera Kerkûk û Bexdayê de di navbera terorîst û hêzên artêşa Îraqê de şer qewmiye.

Çavkaniya han eşkere kir ku, di encama şera han de terorîst karîne navçeya Silêman beg dagîr bikin û niha jî hewl bo dagîr kirina leşkergeha artêşa Îraqê ya li vê navçeyê de didin.

Çavkaniya han eşkere kir ku, di encama şera han de hijmareke zêde ji her du aliyan jî hatine kuştin lê heta niha jiber dom kirina şer kes nikare amara miriyan tesîbt bike.