Piştî peyama Serokê Kurdistanê birêz Mesûd Barzanî yaku, duhê pêşkêş kiribû, îro jî mekteb siyasiya partiya demorkata Kurdistanê bi weşandina daxuyaniyeke nivîskî ragehand ku, piştgîriya peyama Serok Barzanî dike.

Di beşek ji vê daxuyaniya han de hatiye nivîsandin ku, peyama duhê ya Serok Barzanî nîşaneya dilsoziya Serok bo welat û nîştiman û herwiha wefadariya Serok Barzanî bo karwana xebat û têkoşîna gelê Kurd û Serok Barzanî bi weşandina peyama xwe ev yek eşkere kir ku, rêz ji îrade û biryara giştî ya parlementoyê digire lewre ev biryarên ku, ji aliyê parlementoyê ve hatine stendin red nake û bi vê rengî dixwaze pêşiya vê qirîzê bigire ku, opozîsyon dixwaze di nava prosesa siyasiya Kurdistanê de çê bike.

Mekteb siyasiya PDKê eşkere kir ku, ew weke mekteb siyasî û civata Serokatiya PDKê piştgîriya peyama Serok Barzanî dikin û gel piştrast dike ku, îradeya gel li cem PDKê li ser her tişteke din de ye û bi tenê gel bo xwe dikare ku, biryar li ser çarenûs û dahatûya xwe bide.