Wek ne razîbûnekê li dijî desteserkirina rêkxerên xwenîşandanan careke din xwenîşander li qada Teqsîm ya bajarê Stenbolê civiyan.

Piştî ku polîsên Turkiye di helmeteke nû de 12 rêkxer û endaqmên piştevanên qada Teqsîm û civata endazyaran desteser kirin, welatiyên Stenbolê careke din li qada Teqsîmê civiyan û ne razîbûnên xwe li dijî desteserkirina rêkxerên xwenîşanderan derbirîn.

Hêzên polîs jî ji bo belavkirina xwenîşanderan gaza rundikrêj û otombêlên ava tund bi kar aniye û ji bo rêgirtina li berfirehbûna xwenîşandanan deriyên parkê Gezî û nexweşxaneya Teqsîmê girtine.

Hevdem li bajarê Hatay jî xwenîşandanek bo piştevaniya li azadkirina rêkxerên xwenîşandanên qada Teqsîmê hat encamdan û xwenîşander digel hêzên polîs tûşî şer û pevçûnan bûne.

Hêjayî gotinê ye ku, ji ber ne razîbûna xwenîşanderan ji roja yekê heyva borî û heya niha 4 kes hatine kuştin û 7 hezar û 500 kesên din jî birîndar bûne.

Xendan