Duh li Selahedînê Şewirmendê civata ewlekariya nîştimanî ya Kurdistanê birêz Mesrûr Barzanî pêşwaziya Konsolosê Sirbiyayê yê li Îraqê û heyeteke pê re kir.

Di hevdîtineke de peywendiyên heyî yên di navbera Kurdistan û Sirbiyayê de hatin nîqaşkirin û her du alî tekez li ser vê yekê kirin ku, dibe peywendiyên heyî yên di navbera her du welatan de werin bihêztirkirin û Sirbiya jî Konsolosxaneya xwe ya li Hewlêrê vebike.

Di beşeke din ya vê civîna han de Konsolosê Sirbiyayê behsa hawîrdora Kurdistanê jî kir û got: Kurdistan xwedan hawîrdoreke baş û rewşeke gelek arame û aramiya han jî dibe fakterek bo handana kompaniyên biyanî ku, li Kurdistanê de dest bi hêlbirînê bikin û hevdem hana hikûmeta Sirbiyayê jî dide daku, li Hewlêrê Konsolosxaneya xwe vebike û hana kompaniyên xwe bide daku, li Kurdistanê de dest bi hêlbirînê di warên curbicur de bikin.

Çavkanî di berdewamiya axaftinên xwe de diyar kir ku, rewşa niha ya Kurdistanê nimûneye û dibe deverên din yên Îraqê jî fêde ji rewşa aram ya Kurdistanê werbigirin û ezmûna Kurdistanê jî bo xwe cîhbicîh bikin.

Li hember de jî Mesrûr Barzanî kêfxweşiya xwe a li hember berdewamiya peywendiyên navbera Kurdistan û Sirbiya diyar kir û hêvî xwest ku, peywendiyên han li ser astê siyasî, abûrî û warên din bo xizmet kirina her du gelên Kurd û Sirb û gelên din yên Îraqê werin bihêztirkirin.

Mesrûr Barzanî herweha hêviya vê yekê jî xwest ku, bi hevkariya her du aliyan devera me aramiyeke baştir bibîne û pêşkeftin bo her kes gerentî bike.

Giftûgo kirina serdana heyeteke pspor û berpirsên abûriya Kurdistanê bo Sirbiya û serdana heyeteke hevpêşe ya Sirbiyayê bo Kurdistanê jî mijarên din yên vê civîna han bûn.