Li bajarê Amedê yê bakûrê Kurdistanê, xwepêşandana ku ji bo fişarê bixin ser hikûmetê da ku di çarçoveya pêvajoya çareseriyê de gavan bavêje, rastî mudaxeleya polîsên Tirkiyê hat. Di encamê de 4 kes birîndar bûn.

Li bajarê Amedê, îro (30.06.2013) xwepêşandanek ji bo ku fişarê bixin ser hikûmetê da ku gavan bavêje hat sazkirin.

Li gorî agahiyên ku peyamnêrê Rûdawê ji Amedê ragihand, xwepêşandan rastî mudaxeleya hêzên polîs hat û ji ber wê pevçûn deket. Di bûyeran de heta niha 4 kes birîndar bûne ku rewşa birîndarekî giran e.

Hat gotin, polîs bi bombeyên gazî û ava şid êrişî xwepêşanderan kiriye û ji ber wê jî gelek kes reviyane nav avahiya BDPê ya li kolana Turgut Ozal.

Rudaw