هەموو شتێك لە ناو ساردكەرەوەدا (سەلاجە) پارێزراوتر نابێت. سەرەڕای ئەوەی پێمان وایە ساردی تەمەنی خۆراك درێژ دەكات، بەڵام هەندێك جار پێچەوانەكەی ڕاستە. پلەی گەرمیی نزم دەكرێت تامی خۆراك، شێوە، بۆن و تەنانەت كرداری تێكچوونی هەندێك خۆراك خێراتر بكات، لێرەدا هۆكاری نەگونجاوی هەندێك خۆراك بۆ ناو ساردكەرەوە ڕوون دەكەینەوە: تەماتە: تام و پێكهاتەكەی لەدەست دەدات. ساردی ڕەوتی پێگەیشتنی سرووشتی تەماتە ڕادەگرێت و كاریگەری لەسەر پێكهاتەی ناوەوەی دەبێت. مۆز: توێكڵەكەی ڕەش دەبێت و ناوەكەی زۆر نەرم دەبێت. پیاز: نەرم دەبێت و بۆنێكی توندی لێ دێت. نان: زۆر بە خێرایی وشك دەبێت و ڕەق دەبێت، ساردی كرداری بە بەستەڵەكبوونی نیشاستە خێرا دەكات، پەتاتە: تامەكەی شیرین دەبێت و پێكهاتەكەی وەك خۆڵ لێ دێت. خۆخ شەربەت و شیرینییەكەی لەدەست دەدات. ساردكردنەوە ڕێگری لە پێگەیشتنی دەكات، بۆیە تامی تێك دەچێت. هەنگوین، ڕەق دەبێت و شێوەی شەكر دەگرێت (تەبلور). قاوە: بۆنی خۆراكەكانیتر هەڵدەمژێت و تامی ڕەسەنی لەدەست دەدات. شۆكۆلاتە: چینێكی سپی لەسەر دروست دەبێت، ساردی دەبێتە هۆی كۆبوونەوەی شێ. ئەڤۆكادۆ: بە شێوەیەكی یەكسان پێناگات.ئەنەناس: ڕەنگە تێك بچێت یان هەوێنی تێ بكەوێت.