ماسكێكی شێداركەرەوە بۆ پێستی وشك: دوو كەوچك جێڵی ئەلۆڤێرا لەگەڵ كەوچكێكی بچووك هەنگوین و كەوچكێك ئاوی گوڵ تێكەڵ بكە. ماسكە كاغەزییەكە بۆ چەند خولەكێك بخەرە ناو تێكەڵەكە، پاشان بۆ ماوەی ١٥ خولەك بیخەرە سەر دەموچاوت. ئەم ماسكە نەرمی بە پێستی وشك دەبەخشێت و هەستی وشكبوونەوە كەم دەكاتەوە.

ماسكێكی گەشاوە بۆ پێستی لاواز و بێڕەنگ: دوو كەوچك ئاوی برنج لەگەڵ نیو كەوچك هەنگوین و چەند دڵۆپێك ڤیتامین E تێكەڵ بكە. ماسكەكە بخوسێنە و بۆ ماوەی ١٠ تا ١٥ خولەك بیخەرە سەر دەموچاوت. ئەم تێكەڵەیە یارمەتیدەرە بۆ ئەوەی پێست گەشاوەتر و زیندووتر دەربكەوێت.

ماسكێكی هێوركەرەوە بۆ پێستی هەستیار: ئاوی بەیبوونی (بابۆنیج)ی سارد لەگەڵ جێڵی ئەلۆڤێرا بەكار بهێنە، ئەم بژاردەیە زۆر نەرمە و ئارامییەكی دیار بە پێستی هەستیار دەبەخشێت، بەتایبەت دوای بەركەوتنی خۆر یان ماندووبوون.

ماسك بۆ پێستی چەور و تێكەڵ: ئاوی خەیار لەگەڵ چەند دڵۆپێك ئاوی لیمۆی ڕوونكراوە و كەوچكێكی بچووك جێڵی ئەلۆڤێرا تێكەڵ بكە. ئەمە پێستە چەور و تێكەڵەكە تازە دەكاتەوە و یارمەتی كەمكردنەوەی بریقە زیادەكەی دەدات.