بڕیاری حکومەتی ئیکوادۆر بۆ نەهێشتنی یارمەتییەکانی سووتەمەنی و گرانکردنی نرخی بەنزین بە بڕی یەک دۆلار بۆ هەر گاڵۆنێک، شەپۆلێکی ناڕەزایەتی شەقامەکانی کیتۆ و چەند پارێزگایەکی دیکەی لێکەوتەوە.

شایەتحاڵەکان دەڵێن خۆپیشاندەران  بەرەو کۆشکی نیشتمانی هەنگاویان ناوە و وەڵامیان داوەتەوە بە فڕێدانی بەرد بەسەر هێزە ئەمنییەکان پێش ئەوەی پۆلیس  بە گازی فرمێسکڕێژ و نارنجۆکی بێهۆشکەر دەستوەردان بکات.

حکومەتی ئیکوادۆر بەهۆی گیرانی ڕێگاوبانەکان و پچڕانی نەزمی گشتی، باری نائاسایی لە چەند پارێزگایەک ڕاگەیاند. لەبەرامبەردا سەندیکاکانی کرێکاران و کۆنفیدڕاڵییە ڕەسەنەکان هۆشدارییان داوە کە ئەو سیاسەتانە ناڕەزایەتییەکان توندتر دەکەن.

بەڵام بەرپرسانی حکومەت بەرنامەی قەرەبووکردنەوەی پارە بۆ شۆفێران و پلانی پشتیوانی کۆمەڵایەتی و دابەشکردنی تراکتۆرەکان وەک چارەسەرێک  بۆ کەمکردنەوەی فشارە ئابوورییەکان لەسەر دانیشتووان ڕادەگەیەنن.

 

 

 

گوڵان: سەردار خەلیل